sábado, 7 de abril de 2007

Canha nas aulas!

Com retraso face o habitual noutros tempos, e por enquanto mobilizando menos estudantes. Mas semelha que algumha cousa começa a rebolir na USC. Na manhá de hoje, ao redor de meio centenar de estudantes concentrárom-se diante do auditório de Galiza.O fím era protestar contra a implantaçom do Processo de Bolonha nas universidades galegas.Às 13:30 horas, hora do começo várias pessoas tentárom con a ajuda dumha escada colar umha faixa sobre o teito do auditório, mas a apariçom da polícia espanhola frustrou a tentativa.Porém e a pesar da presença do corpo repressor, o protesto continou com cortes de tránsito e o deslocamento da manifestaçom polas ruas do Cámpus Norte. Ao chegar à entrada da faculdade de jornalismo, as manifestantes entrarom an faculdade com as faixas e altofalante sem se produzirem incidentes, isto repetiria-se depois na Residência universitária Burgo das Naçons, na Faculdade de Económicas e finalmente na de magistério, sempre pola estrada, para dar por finalizado o acto.As manifestantes anunciam posteriores mobilizaçons, em concreto o dia 28 de Março na praça de Maçarelos às 13:30 horas. O fím destas concentraçoms inclui a luita contra a desinformaçom, arma principal da USC e do Ministério de Educaçom para acougar os ánimos do movimento, principal causante da desmobilizaçom contra este processo privatizador.


visto em galizalivre.org

Nenhum comentário: